شجره محتركـــــــــه

تستاهل واتمنالك انه الخيـــــــــــر
صح فرصه مثلهه من الصعب تلكه


خل اذنك اعله صدري هاا..سمعت الصوت؟؟
شكد فرحان كلبي تسمع الصفكـــــــــــــــــــه؟؟


بقه عندي فرح زايد حرام ايضيـــــــــــع
مر اخذه بطريقك ساعة الملكـــــــــــــــــه


بيه تلكه ابتسامه.. تلكه ضحكه ابصوت
انته ادخل بروحي ..بكيفك استنكـــــــــه


انه هسه فرح بالروح مامحتــــــاج
مايحتاج فرحه الينوخذ حكـــــــــــه


ولو راح الشماته ابّعدك يفرحون
وتفز الوجوه الجانت مدنكـــــــه


ااو ولو راح اذبل والكاك نسمة موت
تاخذ بالخريف من الغصن وركــــــه


وبعد حتى من اغني جفوف اليسمعون
تهتز هزة ايد المالك خلكــــــــــــــــه


من ايدي الخاليه راح تعرفني الناس
ومبين عليه اويه الحزن رفــــــــــكه


دليني الهوى من تروح وين الكاه
بلاك النفس ضيّك والارض خنكه


كالولي اخذ طوق النجاة ويــــــاك
موج الشوك عالي اليتعب ايغركه


وابد مافكرت يمته اوصل اعله الراك
بس شكد حلمت بروجة الملكـــــــــــه


اجيتك مطمئن جية شراره لماي
يفتك باب شكي ولهفتي اتطبكه


على لحظه وشفت نظرة عيونك ثااار
شفت الورده بيدك تنكلب تفكـــــــــــه


وكع منك وجه بس انته عندك خييير
اليدور بوجهك جم وجه يلكــــــــــــه؟؟



ردتك تكعد تصفي الظنون ويـــــاي
ياظن النعوفه وياهو النشبكـــــــــه؟؟


كلشي من رحت ظل عكبك بلا لون
حتى الغيم الابيض والسمه الزركه


رجعت اضحك على سنيني الكضن وياك
وعيون الشماته بفرحتي مصدكـــــــــــه


شافوا ماي بيدي توقعوا اسكيـــــــــك
مايدرون اطفي بشجره محتركـــــــــه!!!!





عــــــــــــــــــــــــــطر الــــــــــــــــــــــــــورد....

اجيتك مطمئن جية شراره لماي
يفتك باب شكي ولهفتي اتطبكه


الللللللللللللللللللللله اللللللللللللله عليج ياحساسه...ذواقه ومبدعه غلاتي..

تسلم عزيزي انته الذوق كله..
اسفه عالتأخير تحياتي

الله الله الله الله يامبدعه تقبلي مروري جلال البدران

تسلم اخويه الورده
دمت بكل خير