بجه كلشي بغيابك شايل عيون

رسم صبخة بسوجي العين طاريك
بجيت وما لكيت دموع ببجاي
انا وهم انتظارك صرنة صحبان
لان هوة الوحيد الوافة وياي
اعيش ابفوضوية وازمة احساس
واكضي الليل راعي مضيع الناي
اشك بصوتك تقلدة العصافير
اسمعة من الصبح بس انتة ماجاي
ابشرك بس نفس يفلان ظليت
ما يترك اثر بالكاع ممشاي
بجة كلشي بغيابك شايل عيون
اول دمعة طاحت دمعة عداي
وينك يل عفتلي بكلشي نيشان
الكة الذكريات ابمجعة الماي
طلع عندك توارد وية الطيور
مثلهن هم ترف وتهاجر هواي
انا كلبي عليك مطرز جروح
مو بس كلبي عين جروح بحشاي
جنت تسمع كبل لا يوصل الصوت
هسة شبيها اذانك وشل انداي
علية الشمس كامت تعكس الليل
كمت ماضوك طعم الصبح بسماي
فوك الصورة صوت العين مبحوح
شاغت روح عيني بشوفة هواي
انة ابقة انتضر واتناك بس خاف
عزراييل يمرك وانتة ماجاي

روعععععععععععععععععععععععععععععععععههههههههههههههههههههههههههههههه