عشك تالي العمر..جتّـــال

تهوى مغازلك روحي ويردهه الشــــــيب
خوف اعله الوقار وحجي الناس اشكـــال

يلما علت بيك بيّه ليش اتعيـــــــــــــــــل؟؟
هاك بلايه عيله الجمل والجمّــــــــــــــال

يلفدوه الك كلشي وحتى تالي الشــــوف
عمي استر عليه..ماتعرف الحــــــــــال..

تاخذني بجهل وانه بغزيز الشيــــــــــب
واتلاوذ ابصبري.. وبيه حسنك عـــــال

تتفرهد اتفرهد روحي لومريـــــــــــــت
واتطشر نذر كلما تهـــــــــــــــــلّ هلال

حتى اغصان عمري بلايه هويه تميـل
وتفز من هرشهه ان جان خصرك مال

واغرف من سرابك بين عين وعين..
واشمر عن سرابك شمرة الخيّـــال

واتكاوه اويه عيني وترد ليك اردود
تستانس بنارك مثل صبــــــر دلال

خلف الله المناظر ساترتني وياك..
جافضحتني عيني بلمة العـــــذال..

ياخفة الروح اتماهلي شويـــــــه..
ّااشوف العود مد روحه وكبر فيّه..

وـصدك من كال..لم روحك يلمبعثر..
عشك تالي العمر جتّــــــــــــــاااال





عـــــــــــــــــــــــــــــــــطر الــــــــــــــــــــــــــــــــــورد..

من ذوقك غلاتي مرورك الاروع يامبدع..

والله انته الذوق كله اخويه الورده... ومداخلتك خنفشاااااااااااااريه
لاعدمت وجودك الجميل

الله ..الله..مداخله رووووووووووووووعه يازهرة النور مداخله روعه كروعتك غلاتي

اخي الغالي...جلال مرورك هو الاروع اكيييييييد