بـــــــــــــعد مــــــــاحب

بعد ماحب بشر مايثبت ايحبني والي ما اعجبه ليش يعجبني بعد ماصير كاس ابيد اليشربون مر ايشوفني ويرتاح يشربني وماريد انه الي وياك انه للموت وباول حفره صدفه ايشوفها ايذبني وما اريد صاحب عنده ست اوجوه طبعا راح يغلبني وماريد النطاني واني ما محتاج ومن بيه سمع محتاج طالبني وماريد التركني من جنت تعبان ولمن شافني مرتاح صاحبني وماريد المدحني من جنت موجود ومن غايب ابنار السانه كلبني انه اريد الي ابضهري ايجيبني بلخير حتى لو بوجهي يوكف ايسبني انه ماريدهم مو من كلب بطران بس عشت ابزمن مجبور توبني يا اخي شكد غريبه اتعيش هاي الناس شصير انته عكسك طبع تعبني احبه ايخوني خنته يحبني ايكوم احجي ايلومني انسىاه يعاتبني اصده ايصيحلي اشتاكله يندار علمته الرمي انداريت صوبني خفت من السترته البارحه من العوز خايف يكبر وباجر يسلبني مدري الدنيا غابه ومدري بينه العيب محد ع السؤال البيه جاوبني شكثر من وطن حبيته حب مجنون لفه اليكرهونه وكام غربني ادور ع اليحبني كون مثلي ايكون على كد ما اذوب وياه يذوبني يصير امرايتي ايدليني وين العيب وانه امرايته وهوه اليرتبني ميتانيني اطلب لو جنت عطشان يحس عطشان اله وبشفاه يشربني مابيها طعم لو كتله انه شحتاج الوحده يفتهم لو فعلن ايحبني يرسم ضحكتي ويحطها فوك اشفاي وكلمه وبوسط كلبه يكتبني واعيش ويه عشك مو حرب مو هجران واوفيله وفه شكد ما يجربني مثل ما اني اريحه ابراحتي يحتار مو يرتاح بس لمن يعذبني مو اسمه حبيبي وجرح بيه ايصير حبيبي بلاسم وابتهلكه ايذبني مو حاضني بس كدام هاي الناس لاكن لو تشوفه هوه صالبني لان ما احب بشر ما