جبت كلشي وعفت كلشي
ومدري اشلون اجيت امشي
اجيتك ردت اكلك شوف ردنة انعوف
كلشي وما كدرنة انعوف
وكون اتشوف حالي اشكد الك ملهوف
جبت كلشي اليسولف بيك
خيالي وصحوتي وجبت اطيوف
جبت دكات كلبي الكطعن
كلبي بجفاك اسيوف
جبت صفنات روحي السودنت روحي
مثل جن بمسية وعل اليتيم ايحوف
وكون اتشوف بشفافي الحزن ما خلة بسمة
تعيش كلمن كمت ابوسة بخدة اطبع اوف
وكون اتشوف دمع الجدم ما يدري وين ايروح
وين الكاك خلصت الوجوه وخلص كل الناس
كلها وجوه غربة ولا وجه معروف
وين الكاك يل موصوف الية وانة الك موصوف
يل فركاك غربة وكلشي ما مألوف
انة بلياك مدري اشبية ما بية زلف وبلاية ترجية
درب ما بيه كل جية
نهر فاض وتبع مية ورجع بس ما لكالة اجروف
وكون اتشوف روحي شخلة بيهة الخوف
نذر واتخاف ما توصل حضرتك من بعيد اطوف
وكون اتشوف روحي شخلة بيهة الخوف
مثل دمع العروس الجاية اعلة اجناب
ويصبر عليهة وجابهة الزافوف
شخلة بيهة الخوف مثل حلت مدارس
روحي احسهة اطفال حلت
وتركتني وباقي بس اصفوف
ويا وحشة صفوفي ومن يجيني الليل
ويا لون الوجه بعدك الضل مخطوف
كون الكاك واشكيلك على اجروحي
الكيت الغشمة بيهة تروف
وكون الكاك وابجيلك واسوي
خدودي صبورة ودمعي حروف
وكون الكاك واشكيلك بكتاب السنين
انحذف كلشي الجان بس اسمك
لكيتة الباقي ما محذوف
كون اتشوف اعيوني مضيف اتصير
وكت النوم وهلبت بالحلم لنك
تجينا اضيوف وكون اتشوف حالي شكد الك