ابو المولـــــــــــده..

[b]
قصة حشاش...



اليوم راح اسولفلكم من رحت دا اجر خط من ابو المولد الكائن في منطقة راس الشارع

بس المشكلة انه بالاخير راد يبسطني ليييششش ؟؟؟؟

ما اعرف , والله ما سويتله شي بس هوة حوصلته ابكد اصبع رجله الصغير ميتحمل شقة المهم لميت

روحي و وجهّت نفسي بأتجاه راس الشارع..

حيث تتواجد المولدة التكنوقراطية في الاحداثيات الكيفية اللي حطها الكرين بيها ( راجع كتاب كيميا مال

رابع ابتدائي اذا مدتفتهم علية )

اتدعبلت الى ابو المولدةطك طك طك طك طك (هاي اني من دا امشي) و وصلت شفته ( أو خشمة والله

ما أتذكر لأن جانت حارة شوية )

واكف و ابيدة سجل التقفيص مال الفلوس و بصفة اكو عامل ديشوف المولدة و ديفحص بيها ,,المهم

وصلت و بده الحجي( حجي لو شايب؟؟ ,, خخخخخخخخخخ


-سلام علييييكم وجه و كفة مضروب قاط صبخ بنزركي فاتح شونك عمو ابو المولدة ؟؟؟

- شنووو شنو صبغ شنو فاتح هاي شبيك عمووو؟

- عمو هاي شبيك دعبلنا السلام بس انتة ما اتجاوب واذا سلام مال صباغين شكو بيها ؟

- ابني دعبلنا شنو ؟؟؟ شنو لاعب وياك دعابل قبل؟؟؟

- لا عمو لاعب ابخشمك خط وسط

- اللهم طولج يا روح ........أتفضل ؟؟

- لا عمو هستوني متغدي تسلم

- أبني ما عازمك على زقنبوت أتفضل يعني اشرايد ؟؟

- شرايد لو مجلات ؟؟؟ ها ها حلوة مو عمو؟ بس حلكها جبير

- ابني ... حبيبي شرايد مني ؟

- العفوعمو مو هذا المكان اللي دا اريد اوصل اله ؟؟؟

- و اني شمدريني انتة وين اتريد توصل ؟؟؟

- عبالي تعرف لان مبين عليك خوش رجال عمو و اذانك كبار

يعني بس أشعجب انتة هم واكف هنا عبالك دا اريد اجيك و اجيتك يا سبحان الله !!!!

- ابني شدا اتخربط ؟؟؟ شنو شرايد مني ؟؟ ,,,,,فظنييي !!!

- مو هاي المولدة ؟؟

- لا ابني ,,,, كنتور

- لاعمو كنتور شنوو ؟ لعد وين الهدوم ؟؟ القبوط البازة و الفانيلات الجلد ؟؟ لا هذا بورد مال جوزات

وهذا المحرك..وهذا

الكابريتر أي والله وداعتي و هذاالكازكيت و هذا القفص مالتها ايخبل شنو عمو جايبة من سوك الغزل ؟؟

- أبني اشعندي ماليبو دا اشغل و بعدين شنو سوق غزل قفص مال بلابل كدامك ؟؟؟ هية مولدة اي مولدة

والله مولدة و داعتك مولدة

شراييييييييددددددددد؟؟؟؟؟؟؟؟؟؟؟؟

- عمو زين هاي الجوزات تفتهم بالطب؟؟؟

- شنووووو؟ ولك يا طب ؟؟؟؟

- لعد مو عدها بورد؟؟؟؟؟ أي مو اللي يفتهم بالطب عندة بورد؟؟؟؟

- لك يا بورد يا دنكة مال ال خللفك أنتة شنو خبل ؟؟؟ لك بورد مال جوزات
هذا ,,,, لك

شترييييييييييييييد؟؟؟؟؟

- هاي شبيك عمو كمت اتعضعض ابدشتاشتك و اتهلّس ابشعر راسك شنو ناسي شي بالكيا ؟؟؟ لو

ناسي عجرم؟؟ اشو عصبي رايد اسحب

منك خط هاي شبيك ؟؟

- هاااا يا اهلا وسهلا ( ما احجيلكم ابو المولد اكبر مادي و ابو فليس رأسا بدل 180 درجة

_اي ابني تدلل عندي خطوط

- عمو رايدة أثيرالله ايخليك

- هوة شنوة أبني؟؟؟

- الخط

- نعلى على ساعة السودة اللي جبت بيها هالمولدة الكشرة ,, لك شنو أثير جاي تنصب عليه؟؟؟؟؟؟؟

- لا عمو هاي شبيك عبالي تنطي خطوط مال موبايل وياها ما اقصد شي ..هاااي شبييييك نتشاقه

) ابو المولد كام يباوع يمنة و يسرة حسيت ديريد يتذكر وين خلة التوثية بس الظاهر مديتذكر ويين )

- أبني انتة شكد رايد ؟؟

- رايد الماجد هع هع هع هع

- شنوو؟؟؟؟؟

- لا هيج عمو بس هوة شنوة؟؟؟

- الخط غيرر؟؟؟؟

- يا خط عموو؟؟؟

- أبني لا اتخبلني لعنة الله عال شيطان مو جاي تاخذ خط مني شنو نسييييت؟؟

- هااا أكوول ليش اني هنا اي عمو مرات انسى و هاي الحالة اتصير عندي من البس جواريب مبلله

تدري مشاكل القرحة عمو

- عمو ديدردم و جنة ديريد يخابر عال 130 عليه

- خلص عمو اتذكرت رايد خط بس الجوزة عليك عمو

- لا ابني شون عليه؟؟

- اي عمو يعني عود انطيك فلوسها من ادفعلك القسط الشهري لهذه المولدة الكهربائية الرائعة بأذن الله

( كلت خلي اصير مثقف براسه بلكت ينزلي الف و نص شيي ) بس الجوزة خوما اتنفس؟؟؟؟


- شون اتنفس يعني؟؟ ليش راح اشدلك قنينة غاز عال بورد؟؟؟ولك انتة متخلف؟؟من يا كوكب جاي

أنتة؟؟؟

- منكوكب الشرق أم كلثوم ,,,,,, لا عمو قصدي الجوزة خوما اتسرب كهرباق؟

- كهرباق؟؟؟؟ لا ما اتسرب كهرباق

- خوش لعد عمو أبو المولدة طكني أبجوزة بس شوية مستوية مو المرة أتخليني ارجعلكياها و نتخارب

- أللهم طولج يا روح ,,,زين أبني ,,, ميخالف ,,,,ام ال شكد؟؟؟

- ام ال 60امبير

- شنووو؟؟ ما عندي 60 امبير بعدين 60 امبير شصخم بيها؟؟؟؟

- مو الاتاري ما اخوية الصغير يسحب هواية خصوصا هاي مال الارنوب اللي ديعبر الشارع و كلساع

ينسحك لأن ابو المرور ماكو أمسافر السوريا و .....,,,,,

- اللهم صبرني يا رب ( ابو المولد خلص اتأكد انه اللي واكف كدامة لو امخبل لو امكبسل )

- زين عمو عندك واير فد 10 كيلوات

- ليش ابني شسوي بيه؟

- حتى اسحب منك غير؟؟

- ابني ليش 10 كيلوات ليش انتة وين مهجومك؟؟؟

( الحكووليييي أبو المولد جنة راح يخبزني و يسويني خبز عروك للجهال)

- بالغزالية عمو ليش ؟؟؟ ترة خوش منطقة بس كلها طسات من تمطر اتصير عدنا مسابح أولومبيه و ,,,,

- لك انتة امخبل؟؟؟؟ لك انتة قرد؟؟؟؟؟؟ لك جايني للمنصور اتريد تسحب خط للغزالية ؟؟؟؟؟؟ منغولي انتة؟؟

- عمو ليش شنو ممنوع؟؟؟ والله ما اعرف ممنوع اذا بيها مسائلة و حبس ملازم عمي مابينا حيل

للطلايب أني افلت عمو مع السلامة ,,,

ابووو الكياااااااااااااااا أوكف (هاي أني دا أصيح)

- لك وليديلك تعال بابه وين امولي؟؟؟ لك ممنوع شنو دنهرب مخدرات؟؟؟ ابني اكثر شي 200 متر و

حتى هاي صعبة

- عمو عمو عندي حل شنو رايك اشتري grid من شارع الصناعة وأسحب منك كهرباء وايرليس؟؟؟؟

- لك انتة اتريد تجلطنييييييييييييييييي؟؟؟؟؟؟؟ نعلى على اليوم اللي جبت بي هال مولدة الغبرة

أشو هذا راح ورة شوية جاب ويا قذيفة آر بي جي و طرررررمممممممممم عال مولدة بحيث صارت

يورانيوم و هم مو منضب و أبو

المولد حاليا كاعد أبمستشفى المخابيل يرسم جوزات أم ال 20 عال الحايط و المرض مالتة انه متصور

نفسة راس توليد و محد مدا يعرف هذا شبي وليش


هههههههههههههههههههههههههههههههههههههههههههههههههه هههههههههههههههههههههههههههههههه




بس شدعوه عصبي ابو المولده تره الول د بس جان يريد يشاقه..ابو الولده عصبي كله صوجه

مـــــو لـــــــــــــــــــــو مـــــــو مـــــــــــــــــو؟؟؟

هههههههههههههههههههههههههههه



عطــــــــــــــــــــــــــــــــر الــــــــــــــــــــــــــــــــــــــــــــــورد[/b]