عفت كلشي وجبت كلشي* ومدري شلون اجيت امشي* اجيتك ردت اكلك شوف* ردنه انعوف كلشي بس ماكدرنه نعوف* كون اتشوف حالي اشكد الك ملهوف* جبت كلشي اليسولف بيك* خيالي صحوتي وطيوف* جبت دكات كلبي الكطعن كلبي بجفاك اسيوف*جبت صفنات روحي السودنت روحي* مثل جن بمسيه وعل اليتيمه يحوف* كون اتشوف *بشفافي الحزن ماخله بسمه تعيش*وكلمن كمت ابوسه بخده اطبع اوف*كون اتشوف* دموع الجدم مايدري وين يروح* والخطوات عميه وتايه بلا شوف* كون اتشوف* خلصت الوجوه وشفت كل الناس* كلها وجوه غربه ولا وجه معروف*وين الكاك يالموصوف اليه وانه الك موصوف* انا بلياك مدري شبيهمابيه* زلف وبلايه ترجيه* درب مابيه كل جيه* نهر فاض وتبع ميه* رجع بس مالكاله اجروف* كون اتشوف* روحي شخله بيها الخوف* مطلوبه نذر وتخاف ماتوصل حضرتك من بعيد طوف* كون اتشوف* مثل حلت مدارس روحي احسها اطفال* حلت وتركتني وباقي بس صفوف* ويا وحشة صفوفي من يجيني الليل *يالون الوجه بعدك الضل مخطوف*كون اتشوف
الأربعاء ديسمبر 31, 2014 11:23 pm من طرف 
موضوع: كون تشوف 
