منو الكلّك حلوو.؟

منو الكلك حلو وتكبرت عالناس
منهو القشمرك خلاك تتكبر
منهوالكالّك طركاعه حسنك هاذ؟؟
ومنهو الوصفه واعلى الخلك تفتر..
اشو يادوب شعرك لامساته ارداف
ووجهك مو كمر بعد اكثر مدور
وعيونك ابد ماتشبه الغزلان
لان يمك اشوف عيونهن اصغر
ولاعندك شفايف تشبه الرمان
لان الياكل الرمان يتدمـــــــر
ولامرمر ركبتك حتى بيهه اندوخ
لان يلمع فقط من ينجلي المرمر
صح كتلة قند صدرك وشك الثوب
واتحداك اضوكه وبيه طعم سكر..
واردافك جبل والخصر قبضة سيف
ماشايف جبل بوزار يتــــــــــــوزر
ولاطولك غصن يشبه لغصن البان
لان ادري الغصن ميال من يثمر
ولاجيتك شمس من تمشي بين الناس
اشوف الناس تجمد ماتحس بالحر
ولان نور الشمس يطفي بسواد الليل
انته الليل كله بحضرتك نـــــــــوّر..

عـــــــــــــــــــطر الـــــــــــــــــورد..

الله يامبدعه ذوق وربي

گالو ما تجـــي وگالوعليك بعيد
ودرب كلش طويــل البينك وبيني
شح مني الدمع گـد مابچيت أعليك
وأعاتب بالگمـــر هلبت يواسيني
ظلم كلش ظلم تحيـا وتموت بشوگ
وچا شنهو العمر من تذبـل رياحيني
تعب حتى الورق حبر ودمـع مخبوط
وحسره وي القلــم تاذيني وتبچيني
صفه رسمك حلـم عذب حناياالروح
ومثل طيفك أبد مـــا شايف بعيني
نهر طولك عذب صـافي ويردالروح
وأنه الميت عطش وبگطـره ترويني
أكتبلك شـعر وأسطـــرلك الأبيات
وانته بلا بخـــت بالفرگة تچويني
قيس بعام واحـد وتيبّس منالشوگ
وآنه سنين مـــرّت ما غفت عيني
گلي شلون رايك والعمــرمحسوب
وچلمات الشماته تگـــول ناسيني
طلابه وي العشگ وأيامي كلها ليل
وشمس حبك ظلم من مــا تضوّيني
كافــي من العتب راح أختم الأبيات
واحجيلك كل عناويني
مثلك ما شفت ولا رايـــد ولاريد
وأحبك موت عنــــوان لداويني

الله الله الله مداخله تقطر ذوقا وعشقا..احساس مرهف عشت ياملك الاحساس