كافي ارجع

اويييييييييييييييييييييييلي رهييييييييييييييييييييييييييبه...وراح اجاريك..



انــــــــــــــــه موبعيد..



ونه يمكن بعيد الجسد بس البال

كل ليله بسماك ينور اهلاله

وانه حبي الك جن اسد بابل صار

ماهدمته سنينه وباقي تمثاله

ومثل ليل العراق العشك صار وياك

اذا مو كهرباء يضوي عاللاله

يعني بكل وكت وبكل زمان وياك

بهمي بشدتي وبفرحي..كل حاله

عالحايط ادور رسمك من اشتاك

واتخيل جمالك واكعد اكباله

واسولف وي خيالك على الحايط دوم

وكلمن شافني تخبلت حسباله

حتى دموعي خلصت من بجاي اعليك

وهسه من القهر جاي ابجي الوشاله

ومايبقه وكت عندي من افكر بيك

الوكت يخلص بصفنه واطلب جماله

وامس عندي دمع مارضه يعوف العين

ظل بين الرموش بحصره يتلاله

اليخسر دنيته يكدر بعدهه ايعيش

اذا عنده محب مستعد يبقاله

واليخسر محب ماظن بعدهه ايعيش

شنو معنى حياته وحبه ماناله؟؟

وانه المستعد اهديك حتى الروح

بس كون انته يمي افراحي تتعاله





وتقبــــــــــــــــــــــل مروري.. يامبــــــــــــــــــــدع..