كلولك نسيتك؟؟؟

گلولك نسيتك تعقل شلون!
وهذا الگالك كل عقله ناسيك؟!
ولك حته القصايد صارن وياك
أكتب عالعراق وتطلع عليك....
ردت أنساك حته بنومي أرتاح
وأغمض جفني ويمرن طواريك..
وتمر يم باب عيني وتحچي الدموع
وتمر يم باب جرحي وينخبص بيك...
وتخضر تايه بلون المحطات
ويتانيك القطار ومايتانيك..
واشوفك سيف ماتندل الجروح
وتكسر خاطري وبجروحي أدليك.....
أريدك كبر گاعي تخضر جفوف
وكبر غيض الملح تضحك مساحيك
وتخليني أعله بالك حته لو طيف
وآنه عله الجرح من يغفه اخليك....
أنهجم بيتك شگد شايل حضارات!!
حمورابي أنحنه بكبره عله رجليك...
حقه يدوخ بيك ويصفن وياك
سر بعيونك يدوخ اليحاچيك
وتسودن بيك راد يضمك شلون!!
ياقانون يادنيه التكفيك!!...
يضمك بالمسله تشوفك الناس
يطلعك للشمس ويرد يغطيك......
گبل عقّال كلهه الدنيه والناس
بس مريت بيهه تسودنت بيك...
واجتّك كلهه تركض حته الزغار
نار گلوبهم جابتهم عليك
نفط بخدودك وگلب الشعب نار
حقل مجنون وتشب شيطفيك.......
ونخلة برحي طولك والشعر ليل
كلما تغفه يهتز ويوعيك.....
هلال العيد فوگ الحاجب يصير
بس ترفع الگذله نعيد عليك....
وفرات ودجله بعيونك يصلون
حلاه وملوحه ربك كلشي منطيك...
على رصعات خدك ينچفي الماي
وعلى گرمة علي الوادم تتانيك

عشوووووووك

مبدع رائع فنان ذووووووووووووووق

الله لا يحرمنا من ابداعاتك ومن المتعه في قراءتها

لاتخجل سولف كول الك واهس تضل وياي واذا ماالك واهس كول لاتخجل مااقبل احبك وانت مامرتاح وماارتاح احبك وانت ماتقبل اذا متشدني بيك وبيه اشدك حيل انحل بالسهل من عندك وتنحل بكيفك من اجيت وماجبرتك يوم وما اجبرك بكيفك لو ردت ترحل فكر باليهمك والمهم شتريد انه كل اليهمني المهم لاتزعل مامليت منك اكدر ابقى وياك بس المشكله خاف انه راح انمل ميهمني الدرب صار امشي بيه اسنين ما اندل جنت بس هسه كمت اندل روحي الحبتك تتحمل بلياك وماينقص صبره بغيبتك يكمل

[cتحياتي الى الاخت الغاليه المبدعه زهرة النور مع اطيب تمنياتي لها بالموفقيهolor=violet][/color]

شكرا للأخ جلال هذه المداخله

واشتقنا لرؤية الجديد منك

ممكن سؤال زهرة النور صار فترة ماكو وضل بالي

انغلق حسابي وما سجلت حساب جديد

شكرا للسؤال جلالالالالالالالالالالالالالالال

اني همين انغلق حسابي وسويت حساب جديد لازم وواجب نسال عن الغالين

وانت اخو واغلى من الغالين شكرا

جلال

لكن هذا ما يمنع ان تمتعنا بمشاركاتك وابداعاتك يا مبدع

شكرا زهرة النور انتم الاروع وقمة الابداع احنه نتعلم منكم وشكرا جزيلا

الللللللللللللللللللللللللله عشوووووووووووووق ..

وراح اجاريك بنفس الموضوع..

وحقك مانستك يوم وذكرك دوم بلساني..

واذ مصّدك انته بهاي دوّر بيك تلكاني..

وك اني وياك روح بروح واحد ينطي للثاني..

ولوّن ماشفتك اسودن واهيم ووين تلكاني..

تقبل مروري يامبدع

منورين حبايب قلبي اسعدني مروركم ومداخلاتكم الرائعه
لاحرمني الله من تواجدكم في متصفحي