شجابـــــــــــــــــك ياحلــــــــــــــــــــــم.....
شجابك ياحلم ..؟ لا ورجعتلي ليش؟
تهيج اجروح نامت عمر تتحســــــر؟
بعد مات الكلب راجع علي شتريد؟؟
هسه الشوك هزك كمت تتذكـــــر؟
مااكدر بعد من النهايه ابديـــــــــك
ولامن البدايه ابديك مااكــــــــــــدر!
بعيونك غفيت وصحتك انه بشــوك
وماهزك حنين وكلب ..يتفطــــــــر!
وينك مو بيدك جنت مثل الحمامه.الطير
بس هسه تجّتف جنحي ....وتكسّــــــــر
حرام تفك جرح بيدك جنت تجويـــــــه
ونته اعله اليضمدك جنت تتبطـــــــــر
كافي..ارجوك حملك هدلي حيل الحيــل
مابيه قهر وهموم بعد اكثـــــــــــــــــــر
ولاتبجي بعد مايرجع اللــــــــــــي..راح
وكافي عليك ابجي واتعب واسهــــــــر
ارحمني دخيلك كافي خلني ارتاح...
ودورلك محب اعليك يتعطـــــــــــــر
هوايه من البشر صدكني يتمنوووك
وعدهم حلم انته وحلم تتفســـــــــــر
وعشكك بالكلب خله المزاج بعيــــــد
وبالك عليحبك لحظه ..تتكبــــــــــــــر
اليرسمك عالجرف بالروج لتجازيـــــــه!
وتدوس احلام خلصت عمر تتحضــــــر!!
ونه همومي ثكيله وظهري منجل صــــار
وظهرك سيف سل..ووجهك امــــــــــدور
وتمثيلك قريته وبيك شفت افــــــــــلام
تحبس لهفتك وبدمعه تتنكـــــــــــــــــر
من اذكر حنيني وكبر ذاك الشـــــــوك
اظل امطر دمع من عيني يتفجــــــــــر
ومن اذكر لهفتي وذاك تعبي الرااااح
الف جمرة قهر وبروحي تتوجـــــــــر
دمرني غرامك والغرور البيــــــــــك
بعد شتريد مني ابيش اتدمـــــــــــر؟؟؟
عــــــــــــــــطر الـــــــــــــــورد..