ظلمه ودرب مسدود....

ظلمه ودرب مسدود بس غمضت عالثقه ومديت جفي الك...

وادري من اخلص الدرب تاليهه ارد اردود




ليوين ابقى انتظر؟؟ واعصابي مثل الجمر...

احترك وحدي واشب والصبر بيه احدود..




وسنين اريد اوصلك تايه والوم الكلب...

سنبله وترجف رجف... من يكبل الحاصــــــود...



بصحره وصداي القهر ..لوحدي بظهاري التعب

واصرخ كتلني العطش... وتبده ماي الجـــــــود



ليش منريدك تجي... بالحلم تبخل علي..؟؟

ولو مره جاني الحلم.. بيه انته ماموجود!



تعب عيوني السهر.. ودعني حتى الكمر..

ظليت انه لوحدي.. بوحشة ليالي السود..



من اولهه ردت انسحب.. كتلك دربنه صعب

رغم الثقه بموقفك ..بس الحذر مريــــــود.!



شوف النتيجه شصفت.. الكلب ذاب انتهى

والجسم... صايـــــــــر عـــــــــــود..



ولو عندي ذرة امل.. انتظرك انه عمر..

ودموعــــــــــــــي هي اشهود..



مرات الوم الكلب واقسى عليه بالعتب..

بس ينكسر خاطري.. ادري الكلب ممرود



شجابك يكلبي اله؟ موطيره انته جنت..

وياطيره كبلك اجت تتحارش بصايود..



ولتكلي قسمة يحب.. ولتكلي خطوه الدرب

اكل خطوه يعني سنه.. والسنه لمن تمر

ياهو اليردهه اردود؟؟



ومسكين وك ياكلب .. حتى اعله حزنك بعد

شو انته هم محســــــــــــــــــــــــود...!.!




عطــــــــــــــــــــــــر الـــــــــــــــــــــــورد

اللــــــــــــــــــــــــــه يامبدعه اختيار راقي جداً
تقبلي مروري