مجموعة قصائد

احسب حسابك اذا كلت الوداع..
الكلمه من تجرح كلب ماتنمسح
وانا اكص ايدي اذا عني تروح..
حتى اذا رديت مامدهه بصلح
وما اصيرن شجره لو منشار اجيت..
شما تروح وترجع اتريد انذبح
والكاع لوطكهه العطش تقبل تموت..
حتى لو زخ المطر تلبس ملح
ولا تكلي الشوك بذره من السماح..
بذرة المسمومه تكطعهه الفلح
ولاتكلي الفركه موت العاشكين..
الموت اصح من الحياة الماتصح
والليل لو ودع كمر شايب يصير..
بس اذا شيب صدك يطلع صبح.

.....................................


صعب من دونك اعيش وغيرك اختار
لان بس انت وحدك تفهم الروح
وصعب انساك وانسى ايامي وياك
من بعدك اعيش العمر مجروح
وصعب تصبح محبتك بس بالعيون
لان كلش احبك حبي مفضوح
يا أجمل نغم غنيته بالكون
ويا أعذب لحن وتعزفك الروح
ويا أجمل قصيدة واحلى كلمات
يا لوجهك كمر وعيونك نجوم
يا نور الشمس الما غابت بيوم
ويظل وجهك ينور رغم الغيوم
تلوم الناس بيه يردوني انساك
وما اسمع حجيهم واترك اللوم
وما اعوفك ابد ماخذ عهد عالروح
وعدتني تحبك هي للدوم
وما انسى حبك ابد والله
لان حبك ختم بالكلب مختوم
يا لجيتك افراح وضحكتك عيد
لا تبخل عليه بجيتك و ضحكك
ولا تزعل عليه وعن عيوني تغيب
لان انت وعدتني وكلت مااتركك
وما اريد اعذبك ابد يا لمحبوب
اريدك يا حبيبي توفي بوعدك

....................................

جذابه

لتكولين أحبك أنتي جذابه ..؟

ولاتبجين...جرح كلبي جمر مايبرد أصوابه

ما صدك بعد بدموع عينج هاي

غابه أنتي ...

وبعد هيهات أعيش انه بوسط غابه

لتحلفين...أنه وكلبي تعاهدنه

وقفلنه الباب..

وتحالفنه بعد ماينفتح بابه..

يجذابه...

صدك رف كلبج الغيري...

وحجيتي وياه...ومن عينج ترس عينه

وصحيح أبدين شوكي الكتب قرأنج

كفرتي ورحتي يم دينه...

غازلتيه...

كتبتيله رسايل شوك

أحبك هم حلفتيله

هم أنته الهوه الأشتمه كلتيله

طلعتي وياه...

باس أعيونج الحلوات

سولفلج ضحكتيله..

سهرتي وياه..سولفتي

شعر بالليل عالحب ..عالغزل..عالشوك

هم مثلي قريتيله...

هم (خصلات) من شعرج هديتيله...

هم نمتي أعله جتفه...

هم شكيتيله..

هم ( باباتي) كلتيله

هم كلتيله أحبك هم ضحكتي وياه

هم غازل الشفه الجنت أغازلهه

هم كلتيله عمري هم كعدتي وياه

هم كحل العين الجنت أكحلهه

هم كلتيله روحي

هم مشيتي وياه

هم عدل الكذله الجنت أعدلهه..

هم كلتيله ماأنساك

هم كلتيله كون أكظي العمر وياك

هم كلتيله ماأسوة ..انه بلياك

جذابه....يجذابه

......................................

اية من الجمال السافر وراح ..... صدك تهجرني وسفة اليوم اية
وجنت اضحك واطشن فرحي عل الناس...... وهسة بكلبي دك الحزن ثاية
يا وسفة يضيع التعب وياج.....وما عدج صدك طلعت احجاية:
جا وينة التعب يل كلبي دارك.:
وصحيح الوكن يا بذات دارك ...
بس انتة اشيهمك شنهي دراك...
بدليلي النار وجت حيل بية.
وانتة يل ناسي حناني وسهر ليلي .......وجلماتك سهم وانصاب بية:
جرح بية غميج بكثر الابعاد.........جرح ينزف قهر واه واذية
وانة ابلياك صاير مثل العراق......صبح مذبوح ومضيع الهوية:
وما اريدك بعد يمضيع الوعود ....... ويل رايح مصر ما اريد جية:
اذا نار بدليلي تهمد بيوم ..... تشب نيران تشعل نار الية
شرك حطيت وسط الكلب يفلان ...... بس كونك تضل تمر علية