يطبع الــــــــــــماي

يطبـــــــــــع المــــــــــاي..
انه بليّـاك مثل الكاع..اذا ما احظنكــ اتفطّـر
غده ميل انتظاركـ سيف..وآنه بكل كتر منحـر
طفت روحي وظلامي زاد..غطيت الشمس بالليل..
وصعبـــــه ابغيرك اتقشمــــــــــــــر!!!
الامل كد ما كبر شيّـب .. وكام بكلشي يتعثر
تناقض بيه ما ينكال..اكرهك والتفت واشتاكــ
اشكن صورتك واندم ..وارد لطيفكــ اتعذّر
نويت امشي واذبك غاد..يم آخر جرح واصبر
بس المشكله بطاريك..كلما يرجع اتذكر
يلبعمر الورد ظليت..انه عمري انربط بالليل
يكبر والصبح يزغـــــــر
خذاني الموت.. مالك جيه يم كبري
بس فكّر تجي ولتخاف ..إنوي ومو شرط تحضـر!!
واذا نيتك صدك..تجيني ؟؟؟..وعد تلكاني
اعــــــــله باب المكبره موزّر
اعزبلك نخل بالصيف..اجيب فياي مدري منين
اخاف اعليــــــــك لاتحتر
عرضوني بغيابك ظلمه عد عميان..وصاحوا بيش يتقدّر
واجه الشرّاي يتلمس جروحي وكال
اذان بديرة الكفار سعره ومايجيب اكثر
ويمر طيفك يشظيني ونه شحصلت غير الطيف؟؟
اهي مره تفز عيني ..وعشر مرات تتبسمر!!
اعتب عالدرب من خذك مارد بيـك
ماترهم بعد اتعناك..ولاترهم بعد اتكتّر
اروحن وين من طاريك؟؟حقل الغام اليكصده
غصباً ما عليــــــــــه يحذر
من انكل جدم سالفتي..اعله غيرك عمري يتوذّر
انه شفايتلي واتناساك..نعمه وكلبي يتمنه
وحرام ان جان يتبطّـــــــر
يلمغيم عتب لاوين حدكــ؟؟خاطر اتنطــــــر
ذنبي وماعرفت انسه..وكمت كلما يلومونك
اكلهم والله ماقصّـر
حابسني بسجن مفتوح..انه الماريد اتحرر
اليلوم بلاسبب معذور..اهو الساكن ابيّت الشوك
يدري بحال التهجّــــــــر؟؟
بأمل شوكي بقيت اتناك واقنع اعيوني اكلهن جاي
وكلبي يكول يتأخّـــــــــــــــر..
ولو شيفيد لو رديت؟؟
علكوني بحبل طاريكــ
وكبروا صورتك بالطيف
واخذوا حلمي من عيني
ومتت من سدّوا المحضر..

واتمنى تعجبكم
لان عطلت من الكتاااااااابه
هههههههههههههههه
عــــــــــــــــــــــــطر الـــــــــــــــــــــــــورد

الله الله وربي رووعه ...

وعاشت ايدك خيتو .. سلامة ايدك حياتو ..

يسلمووووو ..

ذوووووووووووووووووووووووووووووق بس ماادري
شلون تاليها وياج من اوصل لنهاية مواضيعج اخذ ريست
نص ساعه وبعدين اكتب الرد ههههههههههههههههههههه
تقبلي مروري ياذواقه

طبع الماي انت واذا ما شفنا كتاباتج نذبل ونتفطر

هذا كل ما اكدر اكوله يالغلا

دمتييييييييييييييييييييييييييييييييييييييييييي

نورتووووووووووا كلماااااااااااتي
دودو حبي ونتي السالـــــــــــــــــــــمه ..تسلمين وردايه
عاشق ابو الطلايب اني شلون تاليهه وياك مو انته؟؟؟ادري نازل ركض لو بالماوس؟؟
ههههههههههههههههههههه..منور اخي الورده..
زهرتنا الفواااااااحه تسلمين عالكلامات العسل حبحب..من ذوقج والله
تحيـــــــــــاتي