بنت الدلال

الدنيا مو دنية عشك يبن الحلال**لا تخلينه بمحبتك ننجبر** انت ابن العافيه وابن الدلال** واحنه ولد الموت ربانه الفقر** بينه بينك فرق كلش جبير** ومانكول اسباب كل هذا الفرق** ومانكمل السالفه الحد الاخير** امن الاساس وياك مسدوده الطرق** وياك مانرهم وماترهم محال** ويانه ماتكدر تدوم وتستمر** وياهو كلك بالسهل درب الوصال** وانت تدري ادربونه مورثه جمر** منين اجيت وبالعشك عندك يقين** منين اجيت وياهو سوالك درب** انطيني مهله وخل اشوفن وضعي زين** وخل اشوف النوب هم اكدر احب** كلبي تيهتا وشرد ما ادري وين** وانه صار سنين ماعندي كلب