ماخذ عهد عالروح

ما انساك ابد ماخذ عهد عالروح .....وقابل لو حطب للنار ترميني

اتنفس هواك بزحمة الدخان ......واكولن هم يحن كلبه ويطفيني

موثوب وينزعك جسمي حتى ارتاح ....ولا كل يوم طبعي بثوب تلكيني

ما ادور كمت عزة نفس وياك .....بس ينجاب طاري اسمك يبجيني

محتاجك حبيبي بكثر ما محتاج ....واحد يفتهم حجيي ويحاجيني

.......................سلامتكم .....................

اللـــــــــــــــــــــــــــــه ياروعه

محتاجك حلم مرسوم عالنجمات
وخيوطة بذهب عالكمر مكتوبة
ومحتاجك خلك وسع الارض يفلان
واشرحلة الخواطر ليش متعوبة
ومحتاجك فرح بكلوب الحديثات
لو كعدن سوى بنيشان مخطوبة
ومحتاجك جدم ماتوجعة الصدمات
ومن تثكل بلوتة يعاند دروبة
ومحتاجك عمر مايمر بيه الموت
مو عمري الكضى وساعاتة محسوبة
ومحتاجك دمع يبجي اعلى روحي وياي
من يصفن دليلي ويذكر ذنوبة
ومحتاجك صبر بس موصبر ايوب
لان كبلك لبستة وماستر ثوبة
ومحتاجك حضن روحي تتلفلف بيك
لوفزت غفل بالليل مرعوبة
ياهو اليفك حزني وانا بلياك
دنيا من القهر وبيوت مكلوبة
يااول جرح محتار كلبي وياه
وايدي شما تغلبة ترد مغلوبة
علمني الهجر بلكت اصد ونساك
وحلف ما اجيك ومنك التوبة
محتاجك صدك موبس حجي يفلان
موكلمة وحروف بورق مكتوبة

مرورك الاروع حبيبتي دموع الغاليه

دمتي لي

سلمت ويسلم لي مرورك العاشق الحزين

مداخلتك ولا اروع

دمت لي

محتاجك تعال وكحل العيون
تعال من البعد ارجوك كافي
شته فراكك كظيته بدرب بردان
وجمر صيفك مشيته بدرب حافي
ربيتك زغير بكلب ولهان
مثل حضن الامومه شكثر دافي
غفه كلبك شجاك ونمت مرتاح
ولافزيت من حلمك يغافي
ماصادفك رسمي بليل الاحلام
يالنايم رغد نوم العوافي
...احبك لو علي تمطر بالسيوف
واحبك حته من تبعد تجافي
امس بالطيف وجهك غازل النوم
وامس طاحت شفافك على شفافي

الله .... الله اخوي جلال مداخله جميله

دمت ودام لي مرورك