گالو ما تجـــي وگالو عليك بعيد !!

گالو ما تجـــي وگالو عليك بعيد
ودرب كلش طويــل البينك وبيني
شح مني الدمع گـد ما بچيت أعليك
وأعاتب بالگمـــر هلبت يواسيني
ظلم كلش ظلم تحيـا وتموت بشوگ
وچا شنهو العمر من تذبـل رياحيني
تعب حتى الورق حبر ودمـع مخبوط
وحسره وي القلــم تاذيني وتبچيني
صفه رسمك حلـم عذب حنايا الروح
ومثل طيفك أبد مـــا شايف بعيني
نهر طولك عذب صـافي ويرد الروح
وأنه الميت عطش وبگطـره ترويني
أكتبلك شـعر وأسطـــرلك الأبيات
وانته بلا بخـــت بالفرگة تچويني
قيس بعام واحـد وتيبّس من الشوگ
وآنه سنين مـــرّت ما غفت عيني
گلي شلون رايك والعمــر محسوب
وچلمات الشماته تگـــول ناسيني
طلابه وي العشگ وأيامي كلهن ليل
وشمس حبك ظلم من مــا تضوّيني
كافــي من العتب راح أختم الأبيات
وأحچيلك سطر بـــي كل عناويني
مثلك ما شفت ولا رايـــد ولا ريد
وأحبك موت عنــــوان لدواويني
أحبك موت عنوان لدواويني

عودني عله طيفك حتى انام اليل

وما اسهر بعد والسهر ينســـــــــــاني

… شاعر نعم لاكن لو حجيت وياك
… …
ا حير شلون احلن عكدة لســـــــــــــاني

اضل ارجف شعر لو شفت وجهك يوم

وتذبحني بخزرتك وانسه عنــــــــواني

قطعه من الشمس حقي من اغار عليك

من امك وبوك وهلي وخـــــــــــــــلاني

تكتلني الضنون ارفس رفس مذبوح

اذا كَالولي عنك تحجي وي ثـــــــــاني

وياخذني الزعل ومسح صور ذكراك

وماتقبل عليه وتبجي حيطـــــــــــــاني

ويملكني الغضب بركاني يلهب نار

بس ادنه يمك يطفه بركـــــــــــــــاني

موبيدي احبك مره ردت انساك

عاتبني بحزن مايرضه نسيـــــــــــاني

احبك مره كتلي اليل صار نهار

واحس الناس صارت كلهه صحبــــــــاني

يمعود دخيلك طال بينه الشوگ

تعال اغفه عله صدري ونام بحضـــــــاني

تعال العيد جيتك وانه عين ايتام

مر بيه بفرح مرجوحة احــــــــــــــــزاني

انه وي الحزن عشرة عمر وحباب

لا اگدر املـــــــــــه ولاهو مـــــــــــــلاني

وامس من شاف طولك وأيد بيد وياي

زعل مني الحــــــزن وارتــــــــاح خــــــلاني

» اتقدم لكم بالتهاني والتبريكات بعيد الغدير
» عليك بداعت امك بطل تغار